Skip to main content
Subscribe on YouTube

రసేశ్వర పంచాక్షర స్తోత్రం | Raseśvara Pañcākṣara Stotram




॥ శ్రీ రసేశ్వర పంచాక్షర స్తోత్రం ॥

రమ్యాయ రాకాపతిశేఖరాయ
రాజీవనేత్రాయ రవిప్రభాయ ।
రామేశ్వర్యాయ సుబుద్ధిదాయ
నమోఽస్తు రేఫాయ రసేశ్వరాయ ॥ ౧ ॥

సోమాయ గంగాతటసంగతాయ
శివాజిరాజేన వివందితాయ ।
దీపాద్యలంకారకృతిప్రియాయ
నమః సకారాయ రసేశ్వరాయ ॥ ౨ ॥

జలేన దుగ్ధేన చ చందనేన
దధ్నా ఫలానాం సురసామృతైశ్చ ।
సదాఽభిషిక్తాయ శివప్రదాయ
నమో వకారాయ రసేశ్వరాయ ॥ ౩ ॥

భక్తైస్తు భక్త్యా పరిసేవితాయ
భక్తస్య దుఃఖస్య విశోధకాయ ।
భక్తాభిలాషాపరిదాయకాయ
నమోఽస్తు రేఫాయ రసేశ్వరాయ ॥ ౪ ॥

నాగేన కంఠే పరిభూషితాయ
రాగేన రోగాదివినాశకాయ ।
యాగాదికార్యేషు వరప్రదాయ
నమో యకారాయ రసేశ్వరాయ ॥ ౫ ॥

పఠేదిదం స్తోత్రమహర్నిశం యో
రసేశ్వరం దేవవరం ప్రణమ్య ।
స దీర్ఘమాయుర్లభతే మనుష్యో
ధర్మార్థకామాంల్లభతే చ మోక్షమ్ ॥ ౬ ॥

॥ ఇతి శ్రీ రసేశ్వర పంచాక్షర స్తోత్రం ॥