॥ శ్రీరామాయ నమః ॥ ఈ సర్గలో సుగ్రీవుడు దుఃఖిస్తున్న శ్రీరామునికి ధైర్యం చెప్పి, సముద్రాన్ని దాటి లంకను చేరి రావణుడిని జయించగలమని వివరిస్తాడు. యుద్ధకాండం — ద్వితీయ సర్గం శ్లోకం 1 తం తు శోకపరిద్యూనం రామం దశరథాత్మజమ్ । ఉవాచ వచనం శ్రీమాన్ సుగ్రీవః శోకనాశనమ్ ॥ 1 ॥ శ్లోకం 2 కిం త్వయా తప్యతే వీర యథాన్యః ప్రాకృతస్తథా । మైవం భూస్త్యజ సంతాపం కృతఘ్న ఇవ సౌహృదమ్ ॥ 2 ॥ శ్లోకం 3 సంతాపస్య చ తే స్థానం న హి పశ్యామి రాఘవ । ప్రవృత్తాముపలబ్ధాయాం జ్ఞాతే చ నిలయే రిపోః ॥ 3 ॥ శ్లోకం 4 మతిమాన్ శాస్త్రవిత్ప్రాజ్ఞః పండితశ్చాసి రాఘవ । త్యజేమాం ప్రాకృతాం బుద్ధిం కృతాత్మేవార్థదూషిణీమ్ ॥ 4 ॥ శ్లోకం 5 సముద్రం లంఘయిత్వా తు మహానక్రసమాకులమ్ । లంకామారోహయిష్యామో హనిష్యామశ్చ తే రిపుమ్ ॥ 5 ॥ శ్లోకం 6 నిరుత్సాహస్య దీనస్య శోకపర్యాకులాత్మనః । సర్వార్థా వ్యవసీదంతి వ్యసనం చాధిగచ్ఛతి ॥ 6 ॥ శ్లోకం 7 ఇమే శూరాః సమర్థాశ్చ సర్వతో హరియూథపాః । త్వత్ప్రియార్థం కృతోత్సాహాః ప్రవేష్టుమపి పావకమ్ ॥ ఏషాం హర్షేణ జానామి తర్కశ్చాపి దృఢో మమ ॥ 7 ॥ శ్లోకం 8 విక్రమేణ సమానేష్యే సీతాం హత్వా యథా రిపుమ్ । రావణం పాపకర్మాణం తథా త్వం కర్తుమర్హసి ॥ 8 ॥ శ్...
॥ శ్రీరామాయ నమః ॥ యుద్ధకాండం — ప్రథమ సర్గం శ్లోకం 1 శ్రుత్వా హనుమతో వాక్యం యథావదభిభాషితం । రామః ప్రీతిసమాయుక్తో వాక్యముత్తరమబ్రవీత్ ॥ 1 ॥ శ్లోకం 2 కృతం హనుమతా కార్యం సుమహద్భువి దుర్లభమ్ । మనసాపి యదన్యేన న శక్యం ధరణీతలే ॥ 2 ॥ శ్లోకం 3 న హి తం పరిపశ్యామి యస్తరేత మహోదధిమ్ । అన్యత్ర గరుడాద్వాయోః అన్యత్ర చ హనూమతః ॥ 3 ॥ శ్లోకం 4 దేవదానవయక్షాణాం గంధర్వోరగరక్షసామ్ । అప్రధృష్యాం పురీం లంకాం రావణేన సురక్షితామ్ ॥ ప్రవిష్టః సత్త్వమాశ్రిత్య జీవన్ కో నామ నిష్క్రమేత్ ॥ 4 ॥ శ్లోకం 5 కో విశేత్ సుదురాధర్షాం రాక్షసైశ్చ సురక్షితామ్ । యో వీర్యబలసంపన్నో న సమః స్యాద్ హనూమతః ॥ 5 ॥ శ్లోకం 6 భృత్యకార్యం హనుమతా సుగ్రీవస్య కృతం మహత్ । ఏవం విధాయ స్వబలం సదృశం విక్రమస్య చ ॥ 6 ॥ శ్లోకం 7 యో హి భృత్యో నియుక్తః సన్ భర్త్రా కర్మణి దుష్కరే । కుర్యాత్ తదనురాగేణ తమాహుః పురుషోత్తమమ్ ॥ 7 ॥ శ్లోకం 8 యో నియుక్తః పరం కార్యం న కుర్యాన్నృపతేః ప్రియమ్ । భృత్యో యుక్తః సమర్థశ్చ తమాహుర్మధ్యమం నరమ్ ॥ 8 ॥ శ్లోకం 9 నియుక్తో నృపతేః కార్యం న కుర్యాద్యః సమాహితః । భృత్యో యుక్తః సమర్థశ్చ తమాహుః పురుషాధమమ్ ॥ 9 ॥ శ్లోకం 10 తన్నియోగే నియుక...